Kam chibynta wow ye u ah kba wei wow wanrah biang yei chongsuk hapyrdi ki ar tylli ki chnong kiwa kynthup ya ka Lapangap, West Jaiñtia Hills wa ka Tahpat, West Karbi Anglong, ynnin ka sngi da soi ki ya ka soskular ha Khanduli heiyatoh wa i chongsuk wei khamtam wow yoh ah ya u kba.
Ya ka Lapangap da soi da u waheh chnong, u Deimonmi Lyngdoh katwa ka Tahpat da u Olingson Timung, u Daniel Hanse SGB wa u Royal Teron GB hei emlang ki heh sorkar na ka Assam wa Meghalaya.
Ki kyndon ha ka soskular toh wow kem ya kiwa emkti hei yap u Oriwel Timung uwa man u khon u (L) Pang-eh Timung uwa na Tahpat kamjooh wow pynsmat ya ka takit wei lada ym chem ya kiwa emkti tæ daw eh wow pynneh yei chongsuk heipor wa rep ha u snem wow wan.
Ki paidbah ka Tahpat wa Lapangap ym yaklam ki ya u pood wei yeini daw e kti ha ki bor sorkar.
Daw chah yei kaam rep yong chnong, i chare masi wa kiwi deiwa pyntip mar kylliang yow lait nei sñiawthooh bakla.
Da chah wow ah ya u kba wei i chongsuk toh iwa kongsan tam hapyrdi ki ar chnong wei emkaam u pynbait ya iwon iwon wow wanrah yei chongsuk wei sñiawthooh mar kylliang.
Ya kani ka soskular da soi hei emlang ki DC wa SP na waroh ar District.
Katkam wa man ynne i ah kba ha Pynthor Lapangap da man i iwa lai bait.
Discussion about this post