E u Yunus ya ka kot wa sap da ka Map wa kynthup ya ka Meghalaya cha Bangladesh

U Chief Advisor ka sorkar Bangladesh, u Muhammad Yunus da chah beiñ biang u hadien wa e u ya ka kot wa em i dur ka Map ka ri Bangladesh (wa pynheh pood) cha u General ka Pakistan.

Ka Map da kynthup ko ya ka Meghalaya, Assam wa kiwi ki jylla ka thaaiñ mihsngi kam chibynta ka Greater Bangladesh.

Ini i e kti ya ka kot da jia i ha Dhaka ha ka 26 tarik uni u bnai ha ka yalang hapyrdi u Yunus wa u Joint Chiefs of Staff Committee Chairperson ka Pakistan, u General Sahir Shamshad Mirza.

U Yunus da booh u ya i dur wa e kti ha u Mirza ya ka kot wa pyrtuid ‘Art of Triumph: Bangladesh’s New Dawn’ heiwa ya kani ka kot da sap da kani ka Map.

Related posts

Sdang ka NPYF 1-Nartiang Constituency ya ka Young Women’s Wing

December 19, 2025

Chah kem uwa 65 snem wa yah ya ka Thar ha luti rel ha Nagaland

December 19, 2025

Kani ka Map wa kynthup ya ki jylla ka thaaiñ mihsngi ka India wow embynta ki wa ka “Greater Bangladesh,” toh iwa angnood da ki kattu katni ha Bangladesh.

Ini leh wan i heipor wa u Yunus da pynyajan bha u wa ka Pakistan nadooh wa wan u hei bor ha u August 2024.