Ynne ka sngi u Deputy Chief Minister, u Sniawbhalang Dhar da ong u wa nyngkong emkaam u pyndep chwa yei kreh ya ka Iawmusiang Complex katkam ka DPR (Detailed Project Report), wei yeini da ong u hawa kylli heiyatoh wa i duna ki dukan ha kani ka yaaw manda dep chna ya ka.
Hawa jubab pynrap hjrong ini, u MLA ka Jowai uwa man leh u Montri ka sorkar jylla, u Wailadmiki Shylla da ong u wa kani ka yaaw toh ka yong ka Jaiñtia Hills Autonomous District Council wei ka sorkar da leh ko yei kaamram yong ka hadien wa sahteiñ da ki phaw snem wei manda dep daw e kti biang ya ka cha ka Council.
Chooh chooh da ong u wa kat wa em i thaw wa ye da yaleh wow ye u pdiang katwa ye ya kiwa chong dai neibhah da leh u yeiwa emkaam deiwa e khublei ya u Chief Minister wa da yarap wow ye u pyndep ya kani ka yaaw.
Hawa kylli yeiwa maham ka seiñ kiwa chongdai hapoh ka lama ka JTTA wow lai cha ka kasari lada ymyoh dukan waroh ki 600 ngut kiwa em Permit, neiliang u Sniawbhalang da ong u wa hadien wa dep i kreh daw ekti ya ka cha ka District Council wei lada emkaam iwon iwon daw pait won yeitæ wei daw pyrchang katwa ye wow leh yeiwa bha.
Discussion about this post