U Montri wa pait ya i chait i khiah ka jylla, u Wailadmiki Shylla ynne ka sngi da synraan u ya u Symbood Montri Rangbah ka jylla, u Sniawbhalang Dhar hawa lai pait ya ki kreh ki le tylli ki Project ha Jowai wa kynthup ya ka Iawmusiang, ka Mini Secretariat wa ka Working Women’s Hostel.
Hawa yaklam wa kiwa pathai khubor, neiliang u Wailadmiki da ong u wa ha ka tayaaw wa dadep da yaklam heiyatoh wa ka Police Booth ha Jowai Civil Hospital heiwa sah sadu ya ka Hospital wow pynyoo ya i thaw wow booh ya ka Police Booth namo i thaw chong ki pulit ha kani ka thaw sumaar wa da sahteiñ da slem bha.
Heiyatoh wa i pynkhlan ya kiwa kreh ha ka Jowai Civil Hospital wa ka MCH Hospital Jowai, neiliang u Wailadmiki da ong u wa kam u Health Minister da sñiawkhia u ya waroh ki thaw sumaar hapoh ka jylla.
Da ong u wa dang ini wadep da thung ya 34 ngut ki Doctor wei dang em boon iwa emkaam heiwa ym slem de daw thung kreh sa ya 150 ngut ki Doctor deiwa yooluti wa manda dep thung ya ki daw ye u pyndap yeiwa emkaam Doctor ha ki thaw sumaar ka jylla.
Discussion about this post