Dang pteiñ i yaklam ki DC ka West Jaiñtia wa West Karbi | Ka Lapangap wa ka Mukroh ymtoh ki thaw wa em i kajia pood: Sniawbhalang

U Symbood Montri Rangbah ka jylla uwa man leh u Chairman ka Regional Committee pynbait pood ha Jaiñtia Hills, u Sniawbhalang Dhar da ong u wa i yaklam hapyrdi ki Deputy Commissioner yong ka West Jaiñtia Hills wa West Karbi Anglong dang pteiñ i hadooh kattæ yow pynneh yei chong suk chong saaiñ ha ka thaaiñ Lapangap.

Hawa klam ynne ka sngi, u Sniawbhalang da ong u wa ka Lapangap ymtoh ka thaw wa em i ya kajia pood wa ka Assam, wei hawa mih ka huri hura kamwa da jia ini wa dep, ka sorkar hap ko wow chimkhia yow pynbait.

Da ong u wa nadooh ki por yongrim da em i yatoh hapyrdi kiwa chong chnong ka thaaiñ Lapangap wa ki jaitbru Karbi wei ym jooh em iwon iwon i jia næ kynaad, tangwa dang ini wa dep da mih i kynaad yeiwa ka sorkar da hap ko wow paitbniah bha.

Heiyatoh wa ka Mukroh, u Symbood Montri Rangbah d ong u wa ka Mukroh haap ko hapoh Meghalaya wei ymtoh ka thaw wa jia i kynaad wa ka Assam, tangwa hadien wa mih i jia 3 snem nachwa, ka Regional Committee daw pait ko leh ya ki kynrum kynram waroh.

Related posts

Yap ka kynthai wa haap napoh ka kari wa yah u chan ko | Dang pynman ki pulit yei takit

November 25, 2025

Ar bnai pynkrehkaam Night Curfew ka DC ha khappood wa ka Bangladesh

November 25, 2025