Ka Arunachal Pradesh toh ka thaw yong ka China, ong kawa e ktien ka chnat Foreign Affairs ka China

Ka Mao Ning kawa man kam ka Spokesperson ka Ministry of Foreign Affairs ka ri China da ong ko wa ka Zangnan iwa man i pyrtuid wa khut ya ka Arunachal Pradesh da ka China toh kawa seiñ da ka India pyrchah ya ka aiñ.

Yeini da ong ko hawa kylli yeiwa jia ya kawi ka kynthai kawa na Arunachal Pradesh kawa chah ksoh ha ka Airport wa em ha Shanghai hadooh 18 kynta heiwa da dooh ko leh wow ku ya ka lieñsuiñ wow lai cha Japan.

Da chah pyndik ko deiwa ong wa ka Passport India ko toh ka wym krehkaam neidaw wa da kha ya ka ha Arunachal Pradesh heiwa kiwa kreh ha ka Airport nadooh ki Immigration Officer wa kiwa kreh ka China Eastern Airline da ong ki ya ka wow yaleh ko da ka Passport China.

Da yoh ko wow lai luti hadien wa tuklar da ki bru ka Indian Consular wei deiwa thied Ticket thymme ko wow pynemkaam da ka lieñsuiñ ka China Eastern Airlines yow lai cha Japan.  

Related posts

Yoh kjut palat 50 ngut ki khynnah ka JNV Rymbai nei leh habra i pynkhreh baam ya ki

November 25, 2025

Yap ka kynthai wa haap napoh ka kari wa yah u chan ko | Dang pynman ki pulit yei takit

November 25, 2025

Ka Mao Ning hawa jubab yeini da ong ko wa ka Zangnan (Arunachal Pradesh) toh i thaw ka China wei ym jooh em tipmit ya ka Arunachal Pradesh kawa da seiñ da ka India pyrchah ya ka aiñ.

Da ong ko leh wa iwa jia ya ka bru ha Airport toh deiwa bood katkam ki aiñ ki kyndon ka China heiyatoh wa u pood wei ym em leh chiliang næ yoobeiñ ya kani ka bru wei ym em chah pyndik chah pynchitom ko heiwa yei hok yong ka da yada ki wei ym em kam itæ wa chah ksoh ko pyrchah yei hok yong ka.

Da pynche ko leh wa hapoh Airport ym em khang ya ka wow pynemkaam ko ya ki paikhana næ wow thied baam ko.