Pynman ka MCSWA ya ka Medical Check-Up ya kiwa da heh rta

Ka Mihmyntdu Community Social Welfare Association (MCSWA) dei sñiawkhia yei chait i khiah yong ki bru wa da heh i rta næ Senior Citizen, ha ka 27 tarik da pynman ko ya ka Medical Check-Up ha MCSWA Drop-In & Day Care Centre wa em ha Lion Mission Compound, Jowai.

Ha ka yalang yahkhmat wa tbian, ka Dr. J.N.Shullai, Director ka MCSWA khana ko wa ka thong yong i pynman ya kani ka pait ka sylli yei chait i khiah toh wa yoo ko ha kini ki sngi wa katni ki bru dooh syndet ki yei mynsien hapyrdi wa dang khlan dang chait, dang uiñ dang lai khlem da poi pyrkhat nae yooluti.

Kamtæ hajrong ini i daw, ka Dr. J.N. Shullai dei sñiawkhia yei chait i khiah yong ki manbei manpa kiwa da em hei rta wa da heh da tymmen kiwa man ki dkhot yong ka MCSWA Drop-In & Day Care Centre, kam chibynta wow man ka luti wow tip ki u sumaar syndong yei chait i khiah yong ki da pynman ko ya kani ka Medical Check-up deiwa em leh i Test snaam wa i leh ya ka ECG.

Kam wow kdaw heini wa ka MCSWA Drop-In & Day Care Centre wa em ha Lion Mission Compound, Jowai toh ka thaw wa pait wa pynlai da ka Mihmyntdu Community Social Welfare Organisation (MCSWA) chirup i yakrehlang wa ka District Social Welfare Department, West Jaiñtia Hills.

Related posts

Ki kari kiwa khlem pyndait ya ki HSRP ha Meghalaya daw ksoh ki wei ki tre ye ki u chah kset

May 8, 2026

Wai u Lahkmen Rymbui ya ka Building thymme ka Jowai Polytechnic deiwa kular wow pynbiang yeiwa dang duna

May 8, 2026

Kani ka thaw næ ka yung toh kawa da booh da mang kyrpang neibynta ki Senior Citizen næ ki bru wa da heh i rta heiwa kiwa wan ha kani ka Centre u yoh ki chiboon i myntoi heiliang wow man kiwa chait wa khiah hei doh i pran wei thij i pyrkhat.