Hadien wa tyrrah ya iwi i dukan yut ka Truck deiwa lai na liang wa bakla | Yarap ki VDP wow kem ya uwa yah

Ki pulit ka Ri-Bhoi District da pyntip ki wa hei miet ka 1 tarik da em i yah kari wa khlem em i kitkhlieh da uwi uwa yah Truck uwa da lai tyrrah leh ya iwi i dukan wa em harood sarok.

Ini da jia i heipor kamwa 9:30 i miet heiwa ya kani ka Truck wa yah da u Warilang Dkhar (38 snem) uwa na Nongjngi, West Jaiñtia Hills toh kawa wan na Guwahati cha Shillong wei da lai tyrrah ko ya ini i dukan wei da kynthiar ko leh cha ka liang wa bakla (Wrong Lane).

Wei wot deiwa poi cha ka liang wa bakla, uni uwa yah da pteiñ u wow lai iwa da booh hei maa ya kiwi tangwa deiwa ya krehlang ki bru paidbah chirup wa ki VDP da kdong ki ya kani ka kari wei da ksoh ki ya uni uwa yah.

Ki pulit da ong ki wa da embhah wym em jia mynsoo næ yap kiwon kiwon neibhah i yah kari deiwa lai na ka liang wa bakla toh iwa maa hadooh kattæ kattæ.

Related posts

Pynhiar tput u diah deiwa pam hadooh wa yap ya uwa pynyap ya ka payu

September 19, 2026

Kylli ka KSU na ki pulit wa lada waroh kiwa yah Scooty ha Shillong toh ki dkhot ka seiñ?

September 19, 2026

Da e khublei ki leh ya waroh kitu kiwa da yarap wow kem ya uni uwa yah Truck chwa wow jia iwon iwon ya kiwi ki bru wei daw pynngat oo hapoh ki kyndon aiñ.

Ki pulit da kyntu ki leh ya kiwa yah kari wow em ki yei kitkhlieh neibhah i bakla iwa chi tak donhi ye ko wow ktah waroh chi rta.