Ya ki 24 ngut ki khynnah da lai yah da ka Lei Synshar Cultural Society, pyntip ka Agatha | Da em leh ar ngut kiwa yap

Ka Chairperson ka State Commission for Protection of Child Rights ka Meghalaya, ka Agatha K Sangma da pynbaad ko wa ya ki 24 ngut ki khynnah kyntai kiwa da hap liwan kiwa dapoi biang cha Shillong ynne ka sngi na Chikkaballapura District ha Karnataka, toh kiwa da lai yah da ka Lei Synshar Cultural Society.

Hawa klam ynne ka sngi, da ong ko wa ka Commission da khut hajir ko ya kani ka seiñ yow paan pynche hajrong ini.

Ka Agatha da ong ko wa hajrong ini wa jia, dadep thoh cha u Chief Minister yow pynkreh ya ka Standard Operating Procedure (SOP) neibynta i lai i wan ki khynnah wa dang hapoh 18 snem kiwa lai puræ cha baar ka jylla.

Kini ki khynnah wa liwan ynne toh kiwa lai skur ha ka jylla Karnataka wei ha ki bnai wa dep da em leh 2 ngut ki khynnah kiwa puræ ha kani ka thaw kiwa yap deiwa suba wa leh i baam wa e ha ka thaw sah ki.

Related posts

U pynkhle biang ka Seiñ Kur Dkhar East Jaiñtia Hills ya ka 2nd Prize ka Lucky Draw

December 2, 2025

Pra phrai i khlieh ka kynthai wa suba chah yooh ha ka Truck ha Ri-Bhoi

December 2, 2025

Neiliang ka Director ka Social Welfare, ka Camelia Doreen Lyngwa, da pyntip ko wa da yoh Notice ki yeini wa jia ha u August wei da chem leh wa kini ki khynnah toh kiwa wan na ki manyung wa dooh wa duk wei neiliang ki bei ki pa da phah ki ki cha baar deiwa yooluti u yoh ki yei thaw sah wa biang kamjooh ka puræ puthi deiwa chaniah ya ki bru wa pait ki.

Tangwa neiliang ka DCPO ka Chikkaballapur da chem ko wa ki thaw sah kini ki khynnah toh ki wym em biang wei ka wym em leh Register wa ka sorkar Karnataka, iwa man iwa sñiawkhia.