Ynne da man ko ka sngi wa sahkynmoo heiwa da soi ya ka soskular hapyrdi ka sorkar Meghalaya wa ka Elaka Saitsohpen yow pynkut yei kajia thaw iwa da neh la 45 snem iwa da sdang nadooh u snem 1982. Lyngba kani ka soskular, ka sorkar da e kti ko yei thaw wa heh 128 Acres cha ka Elaka Saitsohpen yow mantre biang ko ya ini i thaw.
U Symbood Montri Rangbah, u Prestone Tynsong hawa e yei klam da ong u wa ini waroh da jia i ha ki snem 1820 heiwa da e kti ya ini i thaw cha ka sorkar pharæng. Wei da e nongmuna u leh wa da em iwa sariem kamni iwa da jia ha Tura heiwa da em i thaw wa heh 200 Acre iwa da neh ha kti ka sorkar wei ki paidbah kiwa sah ha ini i thaw da hap su bai wai ki cha ka sorkar.
Neiliang u Sosthenes Sohtun, Minister ka chnat GAD da yaroh u yei yaichah kiwa chong chnong ka Saitsohpen da ki phaw snem wei kattu daw wailad ko u sdang kiwa boon ki kaam yow pynman ya kani ka thaw kam ka thaw uiñke suwari.
U MLA ka Sohra, u Gavin M. Mylliem da ong u wa da ye wow leh yeini deiwa ya krehlang hapyrdi ka sorkar MDA wa ka Elaka Saitsohpen hapoh i yahkmat u Chief Minister, u Conrad K. Sangma.
Neiliang own u MLA ka Shella Constituency, u Balajied Kupar Synrem da pynbna u ya ki kreh kiwa ₹114 klur kiwa daw pynkrehkaam hapoh ka Elaka.
Deiwa soi ya kani ka soskular daw pynsuk ko ya kiwa chong chnong wow yoh u mantre yei thaw, u chna yung, u yoh ram wa kiwi de yow lait u jia kam nachwa heiwa kiwa boon kiwa da chna da tei da jooh yoh Show Cause Notice ki yow pynsangeh yei kreh.
Discussion about this post