Pynkhle biang ka Kur Dkhar EJH ya ka 2nd Prize ka Lucky Draw | Da saam leh ya ki Prize cha kiwa da jop chwa

Hadien wa dadep wow pynbna paidbah, ynne ka sngi neiliang ka Seiñ Kur Dkhar East Jaiñtia Hills District, da pynkhle ko deiwi ya ka 2^nd Prize yong ka Bumper Lucky Draw ha ka yalang wa da pynman ha chnong Mookhep, East Jaiñtia Hills.

Neiliang kiwa yahkhmat ka seiñ kur da ong ki wa neiliang ka kur ym em ko iwon iwon i thmu wa sih wei da kyrpaad leh ya ki paidbah wow mylliñ yeiwa thut i pynkhle ya katai ka 2^nd Prize ha katu ka sien wa nyngkong ha ka 28 tarik u November, 2025.

Yei pynkhle ya kani ka 2^nd Prize ynne da khut wow sakhilang da u E. Sohshang, Second In-charge yong ka Ladrymbai Police Outpost, u Denis Siangshai, Waheh Chnong ka Mookhep chirup wa kiwi de.

Related posts

10 snem phah kset ka yung bichaar ya uwa slaitbor ya ka khynnah wa dang 12 snem

January 19, 2026

Deiwa khang ka AH&Vety Check Post da ki phaw snem khlem em de wa pait wa sylli ya ki dakha, ki syiar, ki sniang wa psiah cha Meghalaya

January 19, 2026

Yei jied ya ka Ticket wa jop ya kani ka 2^nd Prize wa da pynkhle ynne da e kti wow leh da u Riborlin Shylla heiwa ka Number wa pam toh u 21385 kawa man da ka Bolero Pickup.

Ha kani ka sngi da saam leh cha kiwa jop ya ka 1^st Prize (Jimny Top Model) wa yoh da ka Dabiang Lyngdoh na Rangad; ka 3^rd Prize (Yamaha Scooty) da yoh da u Mekilari Sympli na Latyrke. Katwa ya ka 1^st wa 2^nd Consolation Prize da jop da u Bankitbok Shadong na Chiehruphi wa u Bhamon Dkhar na Iongkaluh. Ya kiwi ki Prize wa dang sah daw saam hadien wa em kiwa wan kam ki wei daw pyntip leh cha ki paidbah.