U Symbood Montri Rangbah ka jylla, u Prestone Tynsong da ong u wa ka sorkar angnood ko wow kyrriah noh ya ki bru na Them Metor, Them Ïewmawlong wei i por daw jia i wa ka Ïewmawlong daw kylla man ko kam ka Times Square.
Yeini da ong u hawa klam ynne ha Saitsohpen.
Da ong u wa em boon ki kaam wa sahteiñ wa kani ka sorkar da pyndep ko, deiwa e nuksa ya ka Crowborough kawa da sah la 40 snem, tangwa katni da kylla ko kam ka Five Star Hotel.
Da ong u wa katwa ka sorkar dang kreh ko kattæ dang em i eh i khor, wei ka sorkar dang sahnood ko sa iwi i kaam ha sor Shillong, itæ toh wow kyrriah noh ya ka Them Metor, wei i por daw poi i heiwa daw em wow jia.
Heijooh i por u da kyntu u ya ki manbei manpa wa ki khynroo wym toh u chah yah bakla ki ha i thij i pyrkhat ha kani ka juk wa chah yah bakla.
Discussion about this post