Daw thut kiwa lai cha Amkoi nei pynchna ya soo tylli ki yingkieñ u sarok Amlarem-Padu-Nongbareh

Ka yung krehkaam u Sub-Divisional Public Relations Officer, Amlarem Civil Sub-Division, da pyntip paidbah u kamjooh ya kiwa uiñke suwari, kiwa kamai kari wa da khang yei lai ki kari heh wa ki Bus na u sarok Amlarem–Padu–Nongbareh Road ha ki bynta wa nadooh na chnong Khonglah hadooh Nongbareh neidaw wa em 4 tylli ki yingkieñ wa dang pynchna.

Kini ki yingkieñ toh kiwa em hei bynta wa 16.30 Km u sarok ha chnong Khonglah, kawi won ha i bynta wa 16.670 Km ka chnong Khonglah, i bynta wa 16.960 Km ka Khonglah wa i bynta wa 20.85 Km ha i bynta ka chnong Nongbareh.

I chna ya kini ki yingkieñ daw ktah bha ko yei lai ki kari khamtam ki kari heh heiwa da em kawi ka Bus wa kit ya kiwa uiñke suwari kiwa mut wow lai cha Amkoi kiwa da sahkut ha Khonglah neidaw wa em ini i pynkreh.

Kamtæ da kyntu wow pynemkaam da ki kari khian manda mut wow lai cha kini ki chnong kat wym pu pyntip da kamwi.