Ka IndiGo Airlines da hap ko wow pyndam ya ki 1,000 ki lieñsuiñ ha kylleiñ ka ri nadooh wa sdang uni u bnai neidaw wa duna kiwa kreh wei i pynkylla ya ka Flight Duty Time Limitations iwa da pynthut yei krehkaam ki lieñsuiñ ko ha ki Airport nadooh ha Delhi, Mumbai, Bengaluru, Hyderabad hadooh Guwahati wa kiwi ki Airport ka thaaiñ mihsngi.
Hadien ini neiliang ka Indian Railways da pynboon ko sa 166 tylli ki Coach ha ki 37 tylli ki rel ha ki 114 tylli ki luti ka ri wow pynsuk ya ki bru wa sahkut nei thut ka IndiGo.
Ka IndiGo da kular ko wow pynbait biang ya i rukom hær ki lieñsuiñ nadooh pyrdi uni u bnai hadien wa pait bniah ka Directorate General of Civil Aviation (DGCA) yei man i long ko.
Ki heh ka chnat Railway ka ri da ong ki wa ka thong yong ki wow pynboon ya ki Coach toh wow pyntikna wa ki bru poi ki hei thaw wa mut ki heipor wa biang neibhah wa boon wa chem chitom nei pyndam ka IndiGo ya ki lieñsuiñ.
Discussion about this post