Ka Jaiñtia National Council Western Zone hapoh i yahkhmat u President yong ka, u Hamehi Bamon wa u General Secretary, u Sambormi Susngi da lai yachem ki wa u R. Chitturi, uwa man kam u Mission Director yong ka National Health Mission (NHM) ha Meghalaya heiwa da e dei thoh wow dawa pynskem noh ya kitu kiwa da kreh da slem hapoh ka NHM la 10 snem chaneiñ ha ki Hospital waphær waphær, wei da dawa leh wow su tulop katjooh wa ka tulop kiwa da kreh pura neibhah kini toh kiwa kreh yei jooh i kreh.
Neiliang u Director da ong u wa daw rah u ya kani ka mat cha ka sorkar pyrdi weiwa oo leh ya kani ka kaam sñiaw mynjur u wei da kitbok u wow mankaam i.
Hadien ini da lai yachem leh wa u Health Minister, u Wailadmiki Shylla wei da e ha oo leh yei jooh i thoh, heiwa da ong u wa ka tulop kiwa kreh Contract ka NHM daw pynkhreh yow yoh i jooh i su wa kiwa kreh Permanent (Equal Work Equal Pay).
Da ong u wa kitu kiwa da kreh slem ha ka NHM leh, ka sorkar pyrdi daw thooh lood thooh luti ko ya ki wei ym ieh beiñ ko ya ki lada ka Contract kawa kreh ki kut ko, wei ka sorkar daw pyrkhat hi ko ya ki deiwi tawon.
Discussion about this post