U Reachingson Siangshai uwa man kam uwa yaleh RTI heiyatoh wa i khut yaleh kreh wei pynman Exam yaleh kreh ka DSC ka East Jaiñtia Hills District, da lai pait u yei pynman ya ka Written Test neibynta i kreh Medical Officer (Homoeopathy) hapoh ka District wa da pynman da ka yung krehkaam u District Medical & Health Officer, yow pyntikna wym em i leh tooh hapoh ka Examination Hall da kiwa wan yaleh kreh.
Da lai pait u leh ya waroh ar tylli ki Hall wei da ong u wa ya kattæ da yoo wa i rukom pynlai man ko iwa biang wei da kyntu u leh ya ki Invigilator wym toh wow e laad ya kiwa thoh Exam u leh thok ki ha iwon iwon i rukom.
Da ong u wa la kammon kammon leh ym e laad u ya ka District Selection Committee (DSC) næ ya ki chnat sorkar wa pynman yei yalehkreh hapoh ka District wow leh ki katwa ngait ki wei da kyntu u leh ya ki paradoh parasanam na ka District, khamtam ki khynroo khyllood wa yaleh kreh wow man ki kiwa kreh chitom yow yoh ki ya u soh i jop deiwa kreh chitom ki.
U Reachingson ynne da lai e dorkhat u ha u Chief Minister, u Conrad Sangma heiyatoh wa i rai wa da chim da u DC yow pynkhooid pynpliah yei rukom krehkaam ka DSC.
Discussion about this post