U Montri Rangbah ka jylla, u Conrad K Sangma ynnin ka sngi da khut pynman yalang u yow pait yei pynkrehkaam ya kiwa boon ki Scheme da ka chnat PHE Electrical Sub-Division, Rymbai.
Da yaklam yei krehkaam ki umkor namo ki Functional Household Tap Connections (FHTC) wa ka Rymbai Greater Water Supply Scheme. Heiwa neiliang kiwa kreh ka Sub-Division da khana ki yei chem chitom ki wei da khana leh yei kreh wa da lai chakhmat wei yei por wa da booh yow pyndep yei kreh kiwa boon ki Scheme wa da leh ka chnat hapoh ka thaaiñ.
Neiliang ki sahep ka chnat da ban joor ki yei emkaam wow em ka PHE Division ha East Jaiñtia Hills District yow ye u pynkrehkaam bha wei kamjooh yow pait yei kreh ki Scheme.
Neiliang u Conrad da phah u ya ki sahep wow pyntikna wa poi umkor cha waroh ki Anganwadi Centre wa ki skur wei yei emkaam wow ya krehlang wa ki chnong wei wow pynsñiawthooh ki yei myntoi wa wanrah kini ki Scheme ka PHE.
Da ong u leh wa em boon kiwi ki kaam kiwa da pynkreh da kiwa boon ki chnat wei da emkaam wow pyntikna wow yada ya ki tyllong um yow lait wa manda wan ki kaam pynroi u chah ktah ki yow lait won u thut manda taan um ka PHE neibynta ki Scheme yong ka.
Discussion about this post