U pynboon kamra ya ka Meghalaya House ha Delhi hei lut wa ₹ 22 klur

U Montri Rangbah ka jylla, u Conrad K. Sangma ynne da booh u ya u mooyurim yow chna pynheh ya ka Meghalaya House wa em ha Dr. A.P.J. Abdul Kalam Road, New Delhi.

Deiwa chna pynheh iwa daw leh ha ki ar bynta namo ki Phase heiwa ha ka 1^st Phase daw chna 24 tylli ki kamra deilang ka Meeting Hall hei lut wa ₹22 klur wei u chna yeini ha kani ka jooh ka thaw wa em ka Meghalaya House warim kawa da chna ha u snem 1971 ha i thaw wa heh 1.99 Acre.

Related posts

Yap sa 21 ngut nei chlai-um ha Assam | Palat 5 lak ngut kiwa chah ktah

July 22, 2026

U phah takit u DC ya ka Scheme e baam ya ki khynnah wa ki manbei wa punkhon ha East Jaiñtia Hills

July 22, 2026

U Conrad da ong u wa ka Meghalaya House ha Delhi toh u man ko kawa ye u chakri ya ki bru paidbah kamjooh ki heh ki haaiñ wei deiwa pynboon ki kamra daw ye wow pyndap pynbiang ya iwa emkaam kiwa boon ki bru wa lai cha Delhi na Meghalaya neibynta ki kaam ki jaam, i thoh Exam, i leh Interview, i phah sumaar wa kiwi de ki jait kaam.

Da phah u leh ya ki heh sorkar wow chna deiwa miat bha ya kani ki kamra thymme deiwa pyrkhat yeiwa emkaam ka juk wa katni.