Phah ka High Court wow pynkrehkaam biang ya ka Weighbridge ha Ratacherra hapoh phra tayaaw

Ka Meghalaya High Court da phah ko ya ka sorkar jylla wow pynkrehkaam biang ya ka Weighbridge ha Ratacherra, East Jaiñtia Hills District hapoh phra tayaaw.

Ini wan i hadien wa ka Court da pdiang ko ya ka Affidavit wa e ka sorkar heiwa da kdaw wa kani ka Weighbridge ym em de krehkaam ko nadooh u September 2024.

Neiliang ka Court da phah ko ya ka Transport Department wow pynkrehkaam biang ya kani ka Weighbridge wei ya kani ka hukum da pynmih da ka Division Bench wa kynthup ya u Chief Justice, u Soumen Sen wa u Justice HS Thangkhiew.

Ka Court da sñiawkhia ko leh yei jubab wym che wa e ka sorkar heiyatoh wa ki Weighbridge ha kylleiñ ka jylla.

Related posts

Da ki RPG siat kiwa suba toh ki dkhot ka ULFA-I cha ka Commando Camp ki pulit ka Assam, mynsoo soo ngut

March 22, 2026

Khut kreh ka DSEO ka West Jaintia Hills

March 22, 2026

U Transport Commissioner da e u ya ka Report ha ka 8 tarik u May 2025 ya kawa da chem wa ym biang ko heiwa ka Court da maham ko ya ka sorkar wow jubab deiwa che heiyatoh wa i kaam wa da leh wa i chna pynmiat ya ki Weighbridge.

Ya kani ka mukotduma daw bichaar biang ha ka 2 tarik u March 2026, heiwa ka sorkar u khana ko iyi wa da leh hajrong ini waroh.