U Spyser Dkhar u khon yong ka kong Bisibon Dkhar wa u (L) Albert Siangshai wa chong wa sah ha Moodymmai uwa man leh u kurim ka Dr. Baphinroi Marboh, da yoh u ya ka kyrdan Doctor of Philosophy (Ph.D) ha ka Education na ka skurbah North Eastern Hill University, Shillong.
Da yoh u ya kani ka kyrdan hajrong i thooh bniah ya ka Thesis kawa pyrtuid: “Leadership Behaviour and Personality Traits of Teachers in Secondary Schools of East and West Jaintia Hills Districts, Meghalaya” hapoh i pait i yahluti yong ka Prof. Ibadani S. Syiem.
U Spyser Dkhar toh u wa jooh hikai ha Government Boys’ Higher Secondary School Jowai. Katni won da kreh u kam u Assistant Professor ha District Institute of Education and Training (DIET), Nongstoiñ.
U Spyser Dkhar da e khublei u ya waroh ki Principal, ki Headmaster wa kiwa sikai skur kiwa da ya embynta ha kani ka thooh bniah (Research) yong oo.
Discussion about this post