6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

Ka yung bichaar u N.A. Khan, District & Sessions Judge, Jowai da phah kset u 6 bnai ya u Hed Dkhar uwa chong chnong ka Iongshiwiat Moorathud yeiwa pynchitom u ya uwi u bru wa tip kam u Jimmy Sapuh.

Ya ka FIR wa jia ini da e da ka bei u Jimmy ha u OC ka Nartiang Police Station ha ka 15-10-14 deiwa ong wa u Thomas Dkhar wa u Hed Dkhar da dat ki ya u khon ko ha i thaw wa tip kam i Lumiongja wei da kdoh ki oo leh ha iwi i khloo hadien wa da dat wa bom oo heiwa da ieh ki oo leh heini waroh chi miet wei da pynchitom biang ki oo hei step.

Related posts

Mar ya yoo pulit ieh uwi ya ka thuk-thuk wa chah tooh na Jowai ha u sarok Amlarem-Muktapur

September 23, 2026

Napoh i dukan dai soh ha Delhi chna drugs kiwa na baar ri yow pynpoi cha kylleiñ ka ri

September 23, 2026

Ya ka takit da leh da u SI C. Lamare wei da Chargesheet hapoh ka kyndon 365/307/34 ka IPC.

Ka yung bichaar hawa e yei rai pynrem hapoh ka Section 323 ka IPC da phah kset ko ya u Hed Dkhar 6 bnai deilang ka kuna wa Rs. 1000 wei lada ym su u ya kani, daw hap chong patok u sa 15 sngi katwa ya u Thomas Dkhar won da pynlait oo khlem da chem wa emkti ha ini i kaam.