Chem ka HSU wa e NOC ki 3 ngut ki MDC ya ki 9 tylli ki kharkhana

Jowai : Ka seiñ Hynniewtrep Student Union (HSU) lyngba ka RTI wa booh ko ha ka JHADC da kam ki wa da chem ki wa ki 3 ngut ki MDC da e No Objection Certificate ki cha 9 tylli ki karkhana pynmih khyndawbilat khlem em kiwon kiwon ki Soskular namo ki Memorandum of Understanding (MoU) wei da e ki yow yoh myntoi samen khlem pyrkhat ya ka District.

U President ka seiñ leh da kynnoh u ini i leh kiwa mihkhmat yong i da booh ko hei ma ya ka ri-loom Jaiñtia neibhah kini ki kharkhana da pynsih ki ya ka rymaw wei ye ki leh u wanrah ya kiwa boon i kjut.

Katkam i thooh bniah ka seiñ da ong wa emkaam du 3 tylli ki kharkhana yow pyndap yei emkaam khyndawbilat ya waroh ka thaiñ Northeast tangwa da em hadooh 9 tylli ha kawi donhi ka district wei ya kini ki CEM wa rim u (L) Qually Suiam da soi NOC u ya 2 tylli, u Moonlight Pariat 3 tylli katwa u Hambertus Nongtdu won da e NOC u ya 4 tylli ki kharkhana.

Ka seiñ leh da kular ko wow boodien yow chem tre wa hadooh katwon su ki kharkhana yow yoh NOC ki wei lada bood ki næ ym em ya ki kyndon wa da booh ha ka NOC wei lada chem wa ym biang leh ki karkhana kamjooh ka JHADC ka seiñ daw booh ko da ka PIL ha ka Supreme Court.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka seiñ da pynkut ko deiwa ong wa lada ki paidbah jied wa mihkhmat ki kam kini ki bru ki ym dam de ki u dai toh dor ya ka ri wa ka jaitbru yong i cha ki bar jylla tang yow yoh myntoi ki samen.