Ynne ka sngi da mih i awri ha Karbi Anglong District ka jylla Assam heiwa ki paidbah wa yakhih da thang ki yei yung u Chief Executive Member (CEM) ka Karbi Anglong Autonomous Council (KAAC), u Tuliram Ronghang ha Donkamokam.
Ini da jia i hei yakhih heiyatoh wa i kyntoor pood ha kani ka District.
I awri da jia i ha Grazing Reserves wa Professional Grazing Reserves ha Kheroni heiwa ki paidbah da dawa ki wow beh ya kiwa chong tooh ha kini ki ar thaw deiwa kdaw wa i thaw haap i hapoh ka Sixth Schedule wei ymye ki bru na baar u kam ya ki thaw.
Chooh chooh i yakhih da joor i ynnin i miet hadien wa kem ki pulit ya 9 ngut kiwa yakhih na Fealgpi, Kheroni heiwa kini da sdang ki yei chah thngan la 16 sngi heiwa uwi na ki toh u Litsong Rongfar.
Ynne katwa dang poor ka khubor hajrong i chah kem kini ki bru, da sdang ki paidbah u yalang ha i thaw wa chah thngan heiwa da sdang ki wow kah ya ki sarok, u tympiah ya ki kari wa dukan neitæ da lai ki cha Donkamokam iwa 26 km na Kheroni wa man leh ka Constituency u Ronghang.
Neiliang ki pulit da yaleh ki wow khang ya ki paidbah deiwa siat cha suiñ iwa da pynchrai chooh ya ki paidbah wei da tia ki cha i yung u CEM wow thang ka.
Ha ini i awri da em le ngut wa mynsoo wa kynthup ya u pulit wa u CRPF.
Discussion about this post