Ki 83 ngut ki Home Guard Volunteers kiwa da pyndep ya ka Training da pynkup burom ki ynne ka sngi ha ka yalang wa da pynman ha Laitlyting Lyngkyrdem, EKH heiwa da wan wow sakhi da u Prestone Tynsong, Deputy Chief Minister kam u kongsan.
Neiliang u Prestone da e khublei u ya ki Home Guard Volunteers wa thymme kamjooh ya ka Directorate of Civil Defence and Home Guards yei e ki yei sikai wa biang tam deiwa kyntu ya kini ki Volunteers wa ka Certificate wa yoh ki ynne ka sngi u man ko kam laad yong ki wow nang ku chakhmat.
Neiliang won u Joint Director of Civil Defence and Home Guards Department, u B. Mukhim da pyntip u wa kini ki 83 ngut ki Volunteers da yoh ki yei sikai hajrong ka Arms Drill, Foot Drill, Civil Defence Training wa Disaster Management.
Da pyntip u leh wa hei yahkhmat u Prestone da khut pynman ya ka yalang yow pynbait noh yei pynslem yei su yei nong ki Volunteer wa da kreh hapoh ka Traffic Police wa Fire & Emergency Services heiwa da ye leh wow su khlem da pynslem de.
Discussion about this post