Ha ka 27 tarik uni u bnai heipor kamwa 11:05 i step, da pyntip cha ki pulit lyngba u Secretary ka VDP ka chnong Lamyrsiang, East Jaiñtia Hills wa chem ki yei metyap wa pær ha ka wah Saitharlong iwa dang haap hapoh ka Umpleng Police Out-Post.
Kamtæ u SI. O. Nongtdu deilang ki bru u da lai ki cha ini i thaw wa jia yow pynman yei takit heiwa da chem yei metyap yong uwi u bru iwa da sdang pyut wei ym em kiwa chong chnong wa tipmit oo.
Hadien wa dep wow pynman yei takit, da kit yei metyap cha Khliehriat Civil Hospital yow pyndep ya ka Post-Mortem.
Ki pulit da pyntip ki wa uni u bru toh uwa em kamwa 35-40 snem i rta, uwa jrong 5ft, uwa sngaaid ki ngap, uwa lieh sniehdoh, uwa sap ya ka T-Shirt (rong yong) wa em i dur u Monkey D-Luffy, ka patlun tbian wa em ki line rong stem wa i kha soor ha thnga wa nadien i khlieh.
Kamtæ da kyntu ya kiwa tipmit ya uni uwa khlaad wow Phone ki ha u Number-9366445568.
Discussion about this post