Wah Myntdu: Phah ka NGT ya u CE deilang ki Company wa chna ya u sarok wow wan ki hakhmat ka Tribunal

Ka National Green Tribunal (NGT), Principal Bench, New Delhi hawa chong bichaar ya ka mukotduma wa da yaleh da u Khroo L Pariat heiyatoh wa ka wah Myntdu kawa da chah ktah nei pynkreh ya u sarok heiwa da pyntooid, da pynhaap khyndaw, pynhaap moo cha ka wah.

Neiliang ka NGT da ong ko wa katkam ki kyndon krehkaam yong ka hap wow pyndep yei bichaar hapoh 6 bnai tangwa kani ka kaam da sahteiñ ko da palat chi snem kattu wei hapyrdi i yoh jubab na kiwa da emkti ha kani ka kaam, ym pu em ye wow poi chei pynbha pynmiat wei i pynslem ye ko wow wanrah yei chah ktah ka wah iwa daw neh rta.

Ka NGT da kdaw ko leh wa ka M/s Dhar Construction Company deilang ka M/s Kampung Kamyer Trading Company ym em e ki yei jubab kamjooh ym em wa wan yow mihkhmat ya ki heiwa da kwah bha wow kylli takit ya ki, kamtæ da hukum ya ki wow wan mih ki hakhmat ka Tribunal yow e ki yei jubab.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Da phah leh ya u Chief Engineer, PWD ka sorkar Meghalaya wow emlang u ha ka sngi wa chong bichaar biang ha ka 04-02-26.