Mynsoo u Actor wa ka kurim hadien wa chah tyrrah ha Guwahati 

U Actor wa pawnaam ka Bollywood, u Ashish Vidyarthi chirup wa ka kurim u, ka Rupali Baruah da mynsoo ki ha i chah tyrrah ha Zoo Road ka Guwahati ha ka 2 tarik uni u bnai.

Ini i tyrrah da jia i heipor 11:00 waje i miet hapoh u pood ka Geetanagar Police Station hadien wa tyrrah ka thuk-thuk ki katwa dang kaap sarok ki.

Uwa yah ya ka thuk-thuk leh da mynsoo joor u hadien wa tyrrah ya ki wei da yapler u.

U Ashish wa ka kurim u heipor wa jia ini dang dep wot ki wow baam ja miet na kawi ka Restaurant wei heipor wa dang kaap sarok da wan kawi ka thuk-thuk kawa pynhær bha kawa da tyrrah ki wei uni uwa yah leh da haap wei da mynsoo u iwa da jia hakhmat ka Guwahati Address Hotel.

Related posts

Mynsoo 7 ngut ki chipai CRPF hadien wa noh ka kari cha ka wah hajan Srinagar

February 21, 2026

Thang uwi ya ka Tanky ka thuk-thuk heipor wa thap phniang ha Petrol Pump

February 21, 2026

Ki bru wa sakhi da ong ki wa kani ka thuk-thuk toh kawa wan neiliang Chanmari wei kawa pynhær bha.

Ya kini ki chi kurim da kit noh cha Apollo Hospital katwa ya uwa yah thuk-thuk da kit cha Gauhati Medical College.

U Ashish ha ki rynsan Social Media da pyntip u wa da mynsoo u malu mala donhi wei ka kurim u dang em ko hei pait ki Doctor wei sñiawkmen u wow tip wa uwa yah thuk-thuk leh da tip yong bru u.