Dung yap kawa na Manipur ya uwa na South Korea ha Noida

Uwi u bru na South Korea da chah dung yap u ha kawi ka kynthai kawa man kam ka chan u kawa na Manipur, ha i yung wa sah ki wa em ha Greater Noida.

Ya kani ka bru da tip kam ka Lunjeana Pamai wei da kem noh ya ka da ki pulit.

Da pyntip yeiwa jia cha ki pulit ka Knowledge Park Police Station da ka GIMS Hospital hadien wa wanrah ya uni u bru wa 35 snem wa tip kam u Duck Hee Yuh pyn da ka Pamai hi tangwa da yap noh u.

Hawa takit, ka Pamai da khana ko wa u Duck Hee jooh dat u ka dei langær manda muaid u wei da leh ko yeini wow yada yaka hi. Kini ki chijur toh kiwa sah ha i yung ha Greater Noida, wei heipor wa dang dih kiad u Duck Hee da mai u ka wei neini ka Pamai da chim ko da ka tari wow dung oo na rupai.

Ki pulit da khana ki wa ka Pamai hi wa kit oo cha hospital wei da phla ko wa ym em kwah ko u tynyap ya oo tangwa da leh ko yeini wow yada pyn yaka hi. 

Related posts

Chem ka HITO wa chim poisa kiwa kreh ha khyrdop ka JHADC pyrchah ya ka kyndon wa da booh

January 7, 2026

Kem ka USA ya ka jhaad kit phñiang ka Russia

January 7, 2026

Kini ki ar ngut da ya imlang ki kattu la ar snem wei ka Pamai da ong ko wa jooh mih i yamai ki neidaw i dih kiad u Duck uwa man leh kam u Manager kawi ka Company.

Neiliang ki pulit da Register ki ya ka Case hapoh ka Bharatiya Nyaya Sanhita (BNS) wei i takit dang lai i chaphrang.