Khih u khmi wa khlanbor 5.1 ynne i step, mynsoo ar ngut

U khmi wa rap joor i khlanbor da khih u ynne i step ka 5 tarik uwa da sdang na Morigaon, Assam wei da sñiaw ya oo chadooh cha Bhutan, Bangladesh, Meghalaya, Nagaland, Mizoram wa Arunachal Pradesh.

Uni u khmi da khih u heipor wa dang bang thiah bha ki bru heipor 4:17 i step wei toh uwa khlanbor 5.1 ha ka Richter Scale wei yillu u 50 Km chapoh khyndaw wei da neh u kattu katni por.

Ha Assam da em ar ngut kiwa mynsoo na ini wa jia wa tip kam u Neeraj Kumar wa u Jaymati Deuri wei da pynkit ya ki cha Morigaon Civil Hospital.

I daw wa mynsoo ki toh neidaw wa joor wa tieñ heipor wa khih u khmi wei da phet ki napoh yung heiwa da tyngkhooh ki ha ki dwar, ki Grill neidaw wym chynna bha wa dang doom.

Related posts

Boon rtap yang ki pulit wow khang ya ki khon ka Hima Langrin wow psiah cha KHADC | Thut ka lai ka wan

August 19, 2026

U ah 10-15% na ka tulop lada ym sumaar ya ka bei wa u pa: Himanta

August 19, 2026

Da pyntip leh wym em haap næ oor iwon iwon neidaw khih u khmi tangwa da pynsoo ki neidaw wa joor i tieñ.