Pynche u Conrad yeiwa mih khubor wym em man chngaaiñ ka P.A. Sangma Stadium

Hadien wa mih khubor kawa da ong wa ka District Disaster Management Authority (DDMA) da ong ko wa ka P.A. Sangma Stadium wa em ha Tura toh ka wym em man chngaaiñ (Unsafe), neiliang u Montri Rangbah ka jylla, u Conrad K Sangma da pynche u wa ini i mih khubor toh iwa bakla deiwa kyntu ya kiwa pynmih khubor wow thooh bniah ki chwa wow pynmih khubor neibhah wa yahbkla ko ya ki paidbah.

Da ong u wa kani ka Stadium toh kawa em le bynta heiwa da pyndep nyngkong ya ka Football Stadium tangwa chwa u sdang yei kreh da pyndep chwa ya ka West Stand wei da em ka kynroh kawa da pynyieñ heini kawa dadep wow oor ka wym em man ko kam chibynta ka P.A. Sangma Stadium.

Hadien wa oor kani ka kynroh da chim rai wow pynman noh ka kam chibynta ka Stadium yow pynlut kamwa Rs. 45 klur wei da khut leh ya ka Tender wei yow leh yeini da emkaam yei thaw ka Coal India Ltd kawa em hajan kawa em ki BSF katni wei da emkaam yeini i thaw neidaw wa hap wow pynheh ya ka West Stand wei da hap leh wow chna ya ka sarok yow poi cha ki dong wa em cha wah.

Related posts

Lada ym ye ka US u thied ya ka Greenland daw ngat dan ki ri wa yada ka hadooh 25%: Trump

January 17, 2026

Rs. 10 lak cha ka Tympang Club najrong u chna pynmiat ya ka madan kular u Wailadmiki hei lehkmen dap 125 snem

January 17, 2026

Yow leh yeini, ka DDMA da thoh ko cha ka Coal India Ltd neibhah wa emkaam yei thaw yow chna ya kani ka West Stand wei khlem kani ym man chngaaiñ ko. Kamtæ kani ka chithi toh kawa thoh cha ka Coal India Ltd yow pynche yeiwa emkaam yeini i thaw wei emkaam wow pynchna smat ya kani ka West Stand wei ym mut wym em man chngaaiñ waroh kawi ka Stadium.

Kamtæ u Conrad da ong u wa ka khubor wa da mih toh kawa da thoh deiwa sñiawthooh bakla neibhah ka chithi wa da thoh toh yow paan yei thaw yow pynchna ya kani ka West Stand yow man ko kawa chngaaiñ.