Khang ka sorkar ya ki 242 tylli ki rynsan yakhle ha ka Internet

Ka sorkar pyrdi ynnin ka sngi da khang (Block) ko ya 242 tylli ki Website yakhle wa man pyrchah ya ka aiñ kam chibynta u pynkrehkaam ya ka aiñ thymme kawa da khang ya waroh kini ki jait wa yakhle Online deiwa pynemkaam da ka poisa kawa da krehkaam ynnin u snem.

Najrong ki 242 tylli kiwa da Block, waroh dapoi 7,800 tylli kam kini ki Website kiwa da khang yow krehkaam ki hapoh ka ri hadien wa krehkaam ka aiñ Online Gaming Act.

Ka sorkar da ong ko wa da leh yeini yow yada ya kiwa chong chnong khamtam ki khynroo yow lait ki nei pynsepai ya ka poisa deiwa yakhle ha kini ki rynsan wa man pyrchah aiñ.

Ha u August 2025, ka sorkar da wanrah ko ya ka Regulation of Online Gaming Bill, 2025 heiwa hadien wa yoh ko yei mynjur hapoh ka Rajya Sabha wa ka Lok Sabha, da e ka President ka ri ya ka muhor yong ka yow man aiñ.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

U Minister ka chnat Electronics and Information Technology, u Ashwini Vaishnaw da ong u wa kini ki yakhle Online da ktah bha ko ya ka ri kamjooh ki manyung heiwa da dooh ki ya ka poisa wa da pynlang ki heiwa da em ki por poi chei dooh yei mynsien bru kiwa pynkut yei mynsien ki.