Rai ka Dorbar Iooksi Pyllun wow kyrchaan pura ya u Nehemayah Tyngkan

Jowai: Ka Dorbar Iooksi Pyllun kawa kynthup ya ki san tylli ki dong haka 18 tarik uni u bnai da pynman ki ya ka Dorbar bah hapyrdi kiwa chong chnong kawa da pynman ha madan bol Kyanmynsar Thlongmoo Iooksi yow jied ya u Nehemayah Tyngkan kam u kyrtong MLA yong ka 4-Mowkaiaw Constituency ha ka election wow pynman ha u snem 2018.

Ha kani ka Dorbar da wan sakhi da ki hajar ngut ki paidbah nadooh ki khynroo khyllood hadooh ki waheh wa tymmen ki san tylli ki dong yong ka chnong kiwa kynthup ya ka Kyan Mynsar, Umdeinlin, Priang, Tongkiad wa Iapkhla ha ka yalang kaba pyllai da u Bikram Lyngdoh, Waheh Chnong Umdeinlin uwa da pyntip wa ya ka yalang da pynbait pynbiang da ki waheh ka chnong kamjooh leh ki khynroo khyllood yow pyntipmit ya u Nehemayah uwa na ka chnong Iooksi u wow yieñ election MLA.

Ha ka tai ka sngi ki paidbah waroh da mynjur ki ya u Nehemayah kam u kyrtong MLA yow pait yei bha i miat ka Constituency.

U Nehemayah Tyngkam hei klam yong oo da pynsñiaw u yei sñiaw ngooh yong oo ya waroh wa kyrchaan ya oo wei da ong u wa oo wan u na i manyung wa dooh wa duk wei du kiwa dooh donhi wa sñiawthooh yei eh i khoo kiwa dooh.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da ong u leh wa sñiawsih u wow yoo wa ha ki por election yow jied ya kiwa mihkhmat da man ko kam ka yaw khawai ka yaw baamdoh sñiawbha, wei oo lada yoh u ya i jop ym man u du kam u wow saam scheme u man u leh u wow chna aiñ yow yada ya ki khian paaid yong ka jylla Meghalaya ki paaid yong ki bru wa tip bru tip blai kiwa burom ya ki kynthai wei da ong won u wa da sñiawsih u yoo wa katni da hiar dor i man ki bru katkam ki khubor wa mih na ki por cha ki por.

Da kyrpaad u ya ki paidbah wym hoi u chah pynbiej ki ha ka poisa wei hawa jied ya oo toh u jied ymtoh du wa man u u tre chnong tangwa toh u jied ya oo kam uwa mih khmat wow yada ya ka constituency.

Hawa pynkut u yeiklam da ong u ym em artatien u yei jop lada waroh ka chnong Iooksi Pyllun kawa em 2500 vote.

Kam wow pynkynmoo u Nehemayah Tyngkan jooh man u kam u Branch Manager ka Birla Sun Life Insurance, Jowai wei da ieh u yei kaam yow chakri ya ki paidbah.