February 20, 2017

Lute biang ki damok tymmoh khmat sa ha kawi ka petrol pump

Advertisement ad1

Jowai: Ki damok wa tymmoh khmat wa rah suloi wa wan da ki thuk thuk da lute biang ki sa kawi ka Petrol Pump kawa em ha Byndihati yong ka company NRL ha ka janmiet ka 18 tarik heipor kamwa 5:30.

Ha ka tai ka janmiet kini ki damok da rah ki leh da ka suloi AK-47 wa ar tylli ki pistol wei da psiah ki cha ka Counter wei da pynyang suloi ki ya u manager wei da lute ki T. 3,70,000 wei da siat ki leh ar kuli hapoh kani ka counter.

Da pyntkut ki leh ya waroh ki wire CCTV wei da rah ki ya ka kor wa record ya ki video ki camera CCTV.

Heipor wa lute kini ki damok, da em leh ki bru wa dang thap phniang tangwa ki ym em salia ki.

Da yut ki nyngkong cha liang Khliehriat da ki Bike wei manda poi ki ha Indian Oil Petrol Pump da siat ki ar kuli wei da dong biang ki cha Umtyr-a.

Kani toh ka Petrol Pump wa le wa cha lute ha uni u bnai.

Also Read: Chah lute sa ka wi ka Petrol Pump