Lada ym ye ka US u thied ya ka Greenland daw ngat dan ki ri wa yada ka hadooh 25%: Trump

U President ka USA, u Donald Trump da ong u wa waroh chi kattu ya ka ri Denmark da pynlait ya ka na ki dan deilang waroh ki ri wa em hapoh ka European Union chirup wa kiwi deiwa khlem toh dan ki, wei kattu hadien ki spah snem ka Denmark da toh por ya ka wow su kylliang neibhah i suk i saaiñ ka pyrthai em ko hei maa heiwa ka China wa ka Russia da kwah ki ya ka Greenland wei ym ye ka Denmark wow leh iyi iyi leh.

U Trump da ong u leh wa em ki du ki ar tylli ki ksaw wa taan tiar (Dogsledge) wa yada ya ka Grrenland wei hadien ini da booh sa kawi, wei du ka USA donhi hapoh u Donald Trump wa ye wow yada ka wei hadien ini ym em wow nood u leh iyi iyi.

U Trump da ong u wa ka Denmark, Norway, Sweden, France, Germany, United Kingdom, Netherland wa Finland da lai ki cha Greenland na ki daw wym tip wei ini man ko iwa maa bha yei suk i saaiñ ha ka pyrthai.

Hajrong ini da ong u wa nadooh ka 1 tarik u February 2026 kini ki ri wa da kdaw u haneiñ daw hap ki wow su ka dan kawa 10% ya waroh ki mar wa phah ki cha USA wei hadien ini won nadooh ka 1 tarik u June 2026 daw pynku ya ka dan cha ka 25%.

Related posts

Rs. 10 lak cha ka Tympang Club najrong u chna pynmiat ya ka madan kular u Wailadmiki hei lehkmen dap 125 snem

January 17, 2026

Pynche u Conrad yeiwa mih khubor wym em man chngaaiñ ka P.A. Sangma Stadium

January 17, 2026

Da ong u leh wa ini u neh i hadooh wym pu ye u thied ka USA ya ka Greenland.

Kam wow kdaw heini ki ri kiwa da kdaw u Donald Trump ha kini ki sngi wa dep da phah ki ya ki chipai yong ki cha Greenland yow e yei yada.