Yoh kem ki pulit ka West Jaiñtia ya uwa myllien bha u tooh ya ki kari ar chaka

U SP ka West Jaitia Hills da pyntip u wa da sdang biang i joor i chah tooh ki thuk-thuk hapoh ka District kamjooh kiwi ki District ka jylla heiwa kini kiwa tooh da jied ki da ki jait kari ar chaka ki wym skem i rukom booh rukom pynyieñ ki.

Da pyntip u wa hei miet ka 16 tarik uni u bnai hadooh wa kylla tarik, heipor wa pynsangeh kari ki pulit ha Lad Demthring, da ksoh ya ar tylli ki Motorcycle wa ar tylli ki Scooty tangwa da lai yabor ki khlem da bien wow sangeh, kamtæ da kdong ya kini heiwa da chem ya kini ki ar chaka deiwa em wa ieh ki ha rood sarok katwa kiwa yah da yut ki chapoh khloo.

Manda sdang wow kynreh ya ini i thaw, da yoh wow kem ya u Meshanki Langstang uwa man kam uwa jooh myllien bha u tooh ya ki ar chaka wei da wanrah ya oo cha Jowai Police Station yow leh yeiwa emkaam.

U SP da pyntip u leh wa nadooh ka 01-01-25 hadooh kattæ da yoh 41 tylli ki ujor heiyatoh wa i chah tooh ki kari ar chaka heiwa na kini dadep wow Register 37 tylli.

Related posts

Kem ki pulit ya ar ngut ki khynroo chirup ka Pistol wa i drugs

January 18, 2026

Yoh kem ki pulit ya uwa tooh wei dat ya ka kynthai ha i yung wa em ha Upper Lachumiere

January 16, 2026

Da pyntip u leh wa nadooh ka 01-01-25 da yoh wow chem biang ya 37 tylli ki kari ar chaka wa chah tooh wei da pynuiñ biang ki cha ki tre wei da kem leh ya 19 ngut kiwa emkti wow leh ya kini ki kaam tooh wei da lai chakhmat wow pynngat ki hapoh ki kyndon aiñ.

Neiliang u SP da kyntu u ya ki tre ar chaka wym toh wow ieh ki ha ki thaw wa langam wa doom. Yow lait nei chah tooh toh u pyndait ya ki Steering Lock wa kiwi de kam ki GPS System.

Lada em wa chah tooh, emkaam wow pyntip wut-wut cha ki pulit wa em chajan næ deiwa Phone ha u Number-112.