Hei yoh kem wa boon bha da ka poisa pharæng kawa mut wow chalan tooh napoh India, neiliang ka Directorate of Revenue Intelligence (DRI), da ksoh ko ya kiwa boon ha Netaji Subhas Chandra Bose International (NSCBI) Airport, Kolkata kiwa dang mut wow lai cha baar ri deiwa rahlang wa ka poisa pharæng.
Ki bru ka DRI deiwa tip yeini, da ksoh ko ya ki 7 ngut hei step ka 6 tarik uni u bnai kiwa dang mut wow hær cha Bangkok.
Hawa kynreh ya ki tiar ki tar wa kit ki da chem ka poisa US Dollar wa ka British Pounds kiwa chongdor Rs. 3.12 klur manda pynkylla dor cha ka poisa India.
Kini ki bru deiwa ya krehlang da murieh ki ya kini ki poisa chakap ki kot, hapoh juti, hapoh ka muna, ha ki kata wa da soor kyrpang hapoh sula wa kiwi de ki buit wei hawa kylli takit ym ye ki wow khana neiwon yoh ki ya kini ki poisa kamjooh ym em ki kot ki sla wa leh ki yeini katkam ka aiñ.
Kamtæ ya kini ki 7 ngut da kem noh ki hajrong ka kyndon wow chalan tooh ya ki poisa pharæng deiwa tyngkheiñ ya ka aiñ Customs Act deilang ka FEMA Regulations.
Da em leh kiwi de kiwa da chah kynreh heiwa na kini won da da yoh Rs. 0.39 klur ka poisa pharæng wei da e kti ki cha ki bru ka Customs yow leh yeiwa emkaam.
Discussion about this post