10 snem phah kset ka yung bichaar ya uwa slaitbor ya ka khynnah wa dang 12 snem

Ka yung bichaar ka B. Khriam, Special Judge (POCSO), East Jaiñtia Hills District da phah kset ko ya u Pynkloide uwa tip leh kam u Deibor Phyrnge 10 snem deiwa khor bha hapoh ka Section 4(1) ka aiñ POCSO Act deilang ka kuna wa Rs. 10,000 wei da phah kset leh 3 snem deiwa khor bha hapoh ka Section 127 ka BNS deilang ka kuna wa Rs. 5000 wei ya ini i phah kset toh u kheiñlang iwa mut daw hap chong patok 10 snem.

Tangwa neidaw wa da chong patok u nadooh ka 12-10-24 hadooh kattæ iwa man chi snem snem, ar bnai wa 24 sngi, ini mut i da sah phra snem, khynde bnai wa 7 sngi wa hap u wow chah kset.

Ya ka FIR pyrchah ya u Pynkloide da yoh ha ka 09-10-24 ha Khliehriat Women Police Station naka beipun ka khynnah wa dang 12 snem deiwa ong wa ha ka miet ka 07-10-24 heipor kamwa 6:30 da wiar kani ka khynnah na i dkuan wa man leh kam i yung wa sah ki wei da chem won ka hei step nei yung trep wa sah uni u bru.

Yei takit da leh da ka WPI. O. Tyngkan heiwa da Charge Sheet ha ka 02-01-25.

Ha ka hukum phah kset da ong wa u Pynkloide uwa em 25 snem i rta da kyrpaad u wow wyrai ya oo neibhah wym tip u wym chah ka aiñ wow yalang chan wa ka khynnah wei da thiah lang ki wei ym em leh u dei bor.

Tangwa ka yung bichaar da ong ko wa oo kam uwa da heh rta da tip u wa kani ka khynnah toh kawa dang khian rta wei hadooh katwon daw ktah i ya ka ym du yei doh i pran tangwa yei pyrkhat pyrdaiñ ko hadooh wa heh ko wei da leh chynnam u yeini deiwa lai yah ya kani ka khynnah heipor wym em ka beipun ko wei da taan yabor u ka cha i yung trep wa sah u heiwa da slaitbor u ka.

Related posts

Deiwa khang ka AH&Vety Check Post da ki phaw snem khlem em de wa pait wa sylli ya ki dakha, ki syiar, ki sniang wa psiah cha Meghalaya

January 19, 2026

Pynche ka NHAI heiyatoh wa ki kari wa em hapoh 20 Km na ki Toll Plaza

January 19, 2026

Ka khynnah leh da ong ko wa ha ka sngi wa jia, u Pynkloide da wan u heipor 6:30 i miet wei da taan yabor u ka cha trep wa sah u wei hawa ym bien ko u psiah leh da pynbor u ka wow psiah chapoh heiwa da slaitbor u ka wei ym chah u wow liwan ko. Hei step da wan ka beipun ko heiwa da chem ko ki hapoh ini i trep wei da lai yah ko ka cha yung ko heiwa da khana ko yeiwa jia ya ka wei hadien da lai cha Police Station.

Ka yung bichaar da ong ko leh ya ka Meghalaya State Legal Services Authority, Shillong wow su Rs. 5 lak cha kani ka khynnah katkam ka The Meghalaya Victim Compensation Sceme, 2022 heiwa 70% u booh kam ka Fixed Deposit hei pyrtuid kani ka khynnah hadooh wa dap ko 21 snem wei kawa sah kawa 30% won toh u e cha ka beipun ko yow su ya ka bai puræ puthi wa kiwi de kiwa emkaam ka khynnah.