Ki khynnah skur ka PM SHRI School Jawahar Navodaya Vidyalaya, West Jaiñtia Hills da chah jied ki wow lai cha Delhi kam chibynta ka 9th Edition ka Pariksha Pe Charcha-2026, neitæ u man kam ki Special Guest ha ka lehkmen Republic Day wei wow lai yachem ya ka President ka ri kamjooh wow sakhi ya ka Winter Parliament Session.
U Andy Rodrick Lyngdoh uwa puræ Class X-B da cha jied u wow yachem wa u Prime Minister, Narendra Modi kam chibynta ka 9th Edition ka Pariksha Pe Charcha-2026 kawa daw pynman ha New Delhi.
Ka Dakashwa Dhar wa u Rangdajied Dhar kiwa puræ Class XI (Science) da chah jied ki wow man kam ki Special Guest u Prime Minister, Narendra Modi ha ka lehkmen Republic Day ha New Delhi ha ka 26 tarik u January 2026.
Ka Sakadapmon Ymbon, ka Wailuti Lyngdoh, ka Dakanishwa Phalangki, ka Safira D Pohlang kiwa waroh wa puræ Class XI (Science) wa ka Reshainhundaka Dkhar kawa puræ Class XI (Humanities) da chah jied ki wow lai ya ka Exposure Trip yow yachem wa ka President ka ri wei wow lai sakhi leh ya ka Winter Parliament Session.
Neilang ka skur da pynsñiaw ko yei sñiaw sarong yeiwa chah jied ki khynnah ko wei da kitbok kitrwiang ko ya ki.
Discussion about this post