Ka lympung yalehke Basketball wa da e naam hei pyrtuid ka (L) Lily Mary Laloo wa pynman da ka Seng Samla CMC Iawmusiang-Khimusniang chirup i yakrehlang ka Salesian Youth Movement, dapoi ko cha ki yakhun Final ha ka 22 tarik uni u bnai ha Joseph Nardiny Seminary Ummulong West Jaiñtia Hills District.
Ha kani ka sngi pynkut da wan wow pynhaap pyrda ya kani ka yalehke da ka Dr. Mazel Ampareen Lyngdoh, MLA ka Laitumkhrah Constituency kam ka kongsan hei emlang u Rev. Fr. Lawrence R Paswet, u Rev. Fr. Lambert Dkhar, u Rudolf Laloo, ka Sister Rina Marbaniang, ka Easter Gatphoh, Adviser JDCYM wa kiwi kiwi.
Ka kongsan hawa e yei klam da pynsñiaw ko yei kmen wow yoh u emlang ha kani ka sngi, wei da e mynsiem haroh ko ya kiwa yalehke wow em ki yei mynsien yaleh namo ka Sporting Spirit hawa chimbynta ha kawon kawon ka jait yalehke.
Ha kani ka sngi pynkut, ki Team wa poi cha ka yakhun Final yong ki chynrang toh hapyrdi ka Onyx wa ka D. Academy heiwa da jop da ka ONXY.
Ha ka yakhun ki kynthai da yachem hapyrdi ka Hey Kongthei pyrchah ya ka Jowai Baller wei yei naam jop da yoh rah da ka Hey Kongthei.
Discussion about this post