U Collector uwa man leh kam u District Magistrate ka Koraput District ka Odhisha da phah khang u wow dai waroh ki jait doh hadooh ki pylleiñ ha ka sngi lehkmen ya ka 77th Republic Day ha kani ka 26 tarik.
U District Collector ha ka 23 tarik da thoh u cha waroh ki Tahsildar, ki Block Development Officer wa ki Executive Officer ka District yow pynmih hukum ki wym toh u chah u dai doh hapoh ki thaw ki bhaw wa pait ki.
Da phah wow khang u dai waroh ki jait doh nadoh i doh syiar, dakha, pylleiñ wa kiwi de ha ka sngi lehkmen ya ka 77th Republic Day.
Kamni i jooh da leh ha Ayodhya heiwa u Food Commissioner ha ka 10 tarik uni u bnai da khang u wow dai doh ha waroh ki Hotel wa ki Restaurant wa em ha Ayodhya Dham.
Ha Punjab won, ka sorkar ha ka 16-12-25 da pynbna ko ya ka Amritsar, ka Sri Anandpur Sahib wa em ha Rupanagar District wa ka Talwandi Sabo (Sri Damdama Sahib) ka Bathinda wow man ki kam ki Holy City heiwa da khang wow dai doh hapoh kini ki le tylli ki chnong.
Discussion about this post