Kam chibynta wow yada nei chongkha dang khian rta (Child Marriage) wei kamjooh wow pynsñiawthooh paidbha yei maa wa mih na ini, neiliang ka District Legal Services Authority (DLSA) wa ka ASHA (Awareness, Support, Help & Action) Unit, East Jaiñtia Hills District da pynman ki ya ka Legal Literacy Programme “Towards Child Marriage Free- Village Initiative-Cum Rally” hapoh ka NALSA ASHA SOP & Bal Vivah Mukt Bharat Campaign ha Khliehriat ha ka 22 wa 23 tarik uni u bnai.
Ya kani ka lai kjat da sdang na Khliehriat Higher Secondary School Playground, tymbud u sarok NH-6 hadooh Khliehriat West Community Hall Junction wei da uiñ biang cha Khliehriat Higher Secondary School Playground.
Ka Additional Public Prosecutor, East Jaiñtia Hills District, ka Melody War hawa e yei klam da pynche ko wa katkam ka aiñ Child Marriage Act, ka kynthai wa em hapoh 18 snem wei u chynrang wa em hapoh 21 snem dang kheiñ ki kam ki khynnah wei lada bia ki hapoh ini i rta ym tipmit ka katkam ka aiñ wei man ko leh pyrchah ya ka aiñ.
Neiliang won ka Chief Legal Aid Defence Counsel, ka R. Manar hawa e yei klam da ong wa i chongkha dang khian rta ymtoh ka rukom namo ka riti dustur tangwa da pyndooh ko yei hok ki khynnah wow lai skur wa ka puræ puthi ki najrong wa ktah ko yei chait i khiah wei wanrah ko yei dooh i duk.
Da ong ko wa ki khynnah toh u piam ki ya ka kot skur ymtoh yei khonboo.
Da pynman leh ya kawi ka Street Play kawa pynyoo wa pyntang yei bia hapyrdi u khynnah wa 20 snem wa ka khynnah wa 16 snem wei hadien wa punkhon kani ka khynnah manda lai cha Hospital yow leh Check-Up, neiliang u Doctor hap u wow pyntip cha ki pulit heiwa da lai kem ya u chynrang kamjooh ya uwa pynkyntang bia.
Discussion about this post