Chah jied u Hally War uwa sumaar sukhær ya ki yingkieñ jri wow yoh ya ka Padma Shri Award

Ka sorkar India ynne ka sngi da pynbna ko yei pyrtuid ki wow yoh ya ka khusnaam Padma Award 2026 kawa man ka pynkup burom wa hakhlieh dooh wa da e cha kiwa chong chnong ka ri kawa da yabhah ha ki le bynta- Padma Vibhushan, Padma Bhushan wa Padma Shri.

Kani ka Award man ko wow tipmit ya kiwa chong chnong kiwa da leh chiboon neibynta i bha i miat ka imlang sahlang nadooh ki kaam sumaar sukhær, puræ puthi, ki kaam yalehke, i thoh i taar wa kiwi de.

Ha uni u snem da em waroh 131 ngut kiwa yoh Padma Award heiwa da em ki ar ngut kiwa da yohlang ya kawi. Ya ka Padma Vibhushan da em 5 ngut kiwa yoh, ya ka Padma Bhusan da em 13 ngut kiwa yoh katwa ya ka Padma Shri won da em 113 ngut kiwa yoh.

Na Meghalaya ha uni u snem da chah jied u Hally War uwa na ka chnong Siej, East Khasi Hills wow yoh ya ka Padma Shri Award hapoh ka kyrdan Social Work.

Related posts

Ha ki thaw wym em de ki Khasi wa sah hap wow e Trading License cha ki dkhar

January 25, 2026

Wa sap Burqa kawi ka kynthai Hindu, chah pynbaad ki lok Muslim ko wa pynbor pynkylla niam

January 25, 2026

U Hally War toh uwa da pynlut yei por u da ki phaw snem yow pait u sumaar ya ki yingkieñ jri (Living Root Bridge) uwa da pynneh pynsah leh yei stat ki warim.

Neiliang u Montri Rangbah, u Conrad Sangma hawa e khublei, da khana u wa heipor wa yachem u wa u Hally War da khana u ya oo wa da sdang u wow pynpoor wow thaiñ ya kini ki yingkieñ nadooh i por wa em u 10 snem i rta.