Ka Khasi Hills Autonomous District Council (KHADC) da pynsñiaw ko wa ym emkaam ko wow paan yada na ki pulit wot hadien wa maham ka Hynñiewtrep National Liberation Council (HNLC).
U Chief Executive Member (CEM) ka KHADC, u Winston Tony Lyngdoh da pyntip u wa ka Council ym em ujor ko hajrong ka khubor maham ka HNLC deiwa ong leh wa hawa ka Council pyrchang ko wow kreh deiwa miat, ym sñiaw emkaam wow lai cha ki pulit næ wow paan yada na ka sorkar wei ympu em yaklam ka Council hajrong kani ka phang.
U CEM da ong u wa kam kiwa yahkhmat ka KHADC, ym em u tieñ ki yei lai i wan, wei ka Executive Committee da man hi ko kawa syndong ha waroh ki liang.
Kam wow kdaw heini wa ha u December 2025, ka HNLC da maham ko ya ka Voice of the People Party (VPP) kawa yahkhmat ya ka Executive Committee ha KHADC, wa ymtoh u pynslem ko wow e Sanad ya u Syiem wa da jied da ka Hima Sohra, wei da maham leh wa lada slem wow e Sanad, ka seiñ daw pyrchang ko wow pyntlot yei synchaar katkam ka dustur riti wei ki heh ka VPP wa synchaar ha KHADC hap kitkhlieh ki yeini.
Discussion about this post