Chah kem kiwa dat wei tooh ya ki Mobile Phone ki bru

Heiyatoh wa iwa jia ha ka 21 tarik uni u bnai heipor kamwa 6:30 i miet heiwa da em ar ngut kiwa lai kjat kiwa da chah dat ha kiwa wan da kawi ka Scooty hajan ka CM Connect Building, Golflinks heiwa da chah tooh leh ki Mobile Phone ha kini ki damok.

Hadien wa pynman ki pulit yei takit, ha ka 27 tarik uni u bnai, da kem ki ya u Kitbok Thabah uwa tip leh kam u Koi (29 snem) uwa na Golflinks, Khliehshnong wa u lok u, u Daniel Syiemlieh (23 snem) uwa na Nongmynsong Dongkamon.

Ya ka Case da pynngat hapoh ka Sadar PS hapoh ka kyndon 115(2)/304(2)/3(5) BNS.

Da yoh leh wow chem biang ya ki Mobile Phone kiwa da chah tooh wei da kem leh ya ka Scooty wa pynemkaam heipor wa leh yeini i kaam kawa em Number ML-05AG-0461.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026