Neidaw wa em kiwa ujor wei kamjooh leh wa tyngkheiñ ya ki kyndon khayi pateiñ yong ka Surf Excel iwa man i mar wa pynmih ka Hindustan Unilever Limited (HUL), da wan ki bru na ka Lex Meliora na Kolkata cha Shillong yow pynman yei takit wa bniah ha ka thaaiñ Ïewduh ha Shillong.
Heini i lai thooh lai takit da chem ya uwi u bru samen uwa da emkti wow dai ya ki Surf Excel kiwa chna thok heiwa da chem wa kitai ki mar wa chna thok toh kiwa yasariem bha wa kiwa da chna paka (Original) nadooh i rukom song wa iwa da thoh hadooh wa kiwa thied ym tip ki wow pynyaphær iwon iwa thok wa iwon iwa sakhiat.
Kamtæ neiliang ki bru ka Lex Meliora, da ujor ki hapoh ki kyndon ka aiñ Copyright Act ha Lumdiengjri Police Station.
Ha ka 2 tarik ki pulit da lai ki wow pynman yei kynreh wei da lai kem leh chiboon kini ki mar thok Surf Excel wei ka dukan wa emkti wow leh ya kani ka kaam pyrchah aiñ toh kawa tip pyrtuid kam ka A.K. Enterprise, kawa em ha thaaiñ Ïewduh, Shillong wei ya u tre kani ka thaw leh da kem da ki pulit wei da rah cha thanat yow pynman yei takit.
Kamtæ ki bru ka Lex Meliora da kyntu ko ya kiwa chong chnong wow man kiwa husiar bha hawa thied ya ki Surf Excel wei wow pyntikna wa thied ki na kiwa dai kiwa da yohbor yow lait nei chah thok iwa ye wow pymynsoo deiwa pynemkaam da kini ki mar wa chna thok.
Discussion about this post