Le ngut ki kynthai wa man chi payu da nohyap ki deiwa noh najrong ka Balcony ka mala wa 9 i yung wa sah ki ha Gaziabad, Uttar Pradesh hadien wa chah khang ki wow leh Mobile Game ha ka bei wow pa ki.
U Atul Kumar Singh, uwa man u Assistant Police Commissioner da ong u wa kini kynthup ki ya ka Pakhi (12 snem), Prachi (14 snem) wa ka Vishika (16 snem) wei da jia i ynne i step synyaaw heipor 2:00 waje.
Ka khubor wa tikna da ong ko wa kini ki le ngut da sdang kyrni ki wow leh Online Games nadooh wa sdang ka kjut khlam COVID-19 wei da kyrni ki ya yalehke ya ki ‘Korean Love Game’.
Chooh chooh da ong wa ini i kyrni ki da poi i hadooh u pood wa kini ki khynnah da sdang ki wow pep skur du wow yoh u yalehke.
Ya kini ki khynnah da kit cha 50 Bed Hospital Loni da ka Ambulance, heiwa ki Doctor da pynbna ki wa da yap ki.
Neiliang ki pulit da Register ki ya ka Case wei i takit dang man iwa lai chaphrang.
Discussion about this post