Ynne ka sngi, u Senior Adviser ka Jaiñtia Students Union (JSU) Central Body, u Dapmain Suchiang da yachem u ya u Minister wa pait ya ka chnat Arts & Culture ka sorkar jylla, u Sanbor Shullai.
Ha ini i yachem da yaklam wow chna ya u mot sahnaam u Woh Kiang Nangbah ha Jowai mar pyrchah ka Kiang Nangbah College.
I yaklam ynne da man iwa mih soh heiwa u Minister da khana u wa ki kaam da man kiwa lai chaphrang wow booh ya umot sahnaam u Khlawait ka Ri-loom Jaiñtia, u Woh Kiang Nangbah.
Da kular u leh wa i chna u sdang i pyn ha uni hi u snem.
Kam wow kdaw heini, ha ka 30 tarik u December 2025, u Sanbor da pynsñiaw u yei kwah wow booh ya u mot sahnaam u Kiang Nangbah kamjooh ka Kiang Nangbah Square haphrang ka thaw psiah ka Kiang Nangbah Government College heipor wa wan sakhi u yei lehwarom ya ka lyngkhooh snem yap uni u khlawait ka ri ha Jowai.
Discussion about this post