Ha ki Video wa da poor bha kattæ heiwa da yoo yei tdem wa joor wa mih na kawi ka krem mooyong wei da sñiaw leh yei yaam bru ki kynthai heiwa da suba wa ini wa jia toh neidaw wa em kiwa tympdung Dynamite wei da yoo leh ya iwi i metyap wa da iñkhaw wa em ha rood ka krem mooyong.
Ini da antaad wa da jia i ynne i step ha ka thaaiñ Elaka Sutnga wei ym pu tip tikna heiwon i thaw wa jia tangwa da suba ha thaaiñ Thangskoo wei katkam wa ong ki bru da em da ki phaw ngut kiwa yap.
Da sñiaw leh ya ki bru wa klam dei ktien Pnar ha ki Video wa da poor heiwa da tikna toh iwa jia ha Jaiñtia Hills.
Da em leh ki bru wa klam da kiwi ki jait ktien heiwa uwi da ong u wa i metyap wa da iñkhaw ye u man yong uwa kit mooyong (Loader).
I pdung Dynamite ha kani ka thaaiñ toh iwa da jia ma jia nadooh ini wadep, wei katkam wa pyntip ki bru wa tip yeini i kaam, ini da jia i neidaw wa ki bru wa Supply ya kini ki Dynamite da Supply ki da ki jait wa thymme wei ym em batai ki ya kini ki bru kammon u pynemkaam ki, kamtæ da pdung kulmar neidaw wym tip u pynemkaam ya kini ki Dynamite wa thymme. Da ong ki leh wa lada pynemkaam da ki Dynamite warim ym jia ma jia ini.
Da dawa ki leh na ki pulit wow thooh tre ya kini ki bru wa Supply Dynamite.
Discussion about this post