U SP ka East Jaiñtia Hills District, u Vikash Kumar da pyntip u wa ynne i step ka 5 tarik da pyntip cha ki wa em i pdung ha kawi ka krem tih mooyong pyrchah aiñ wa em ha Mynsngat ka thaaiñ Thangskoo kawa dang haap hapoh ka Umpleng Police Outpost wei mar ya tip yeini da lai ki pulit wut-wut cha kani ka thaw.
Manda poi heini da pyntikna wa em sakhiat i pdung wa da jia hapoh kani ka krem tih mooyong wa man pyrchah aiñ wei da sdang wow thooh ya kiwa chah ktah heiwa da chem ya 18 tylli ki metyap na kani ka thaw heiwa uwi uwa mynsoo da kit cha Sutnga CHC wei hadien won da kit cha kawi won ka thaw sumaar.
Da pyntip leh wa da wan ki bru ka National Disaster Response Force (NDRF), ki bru ka State Disaster Response Force (SDRF) wa ki bru ka Special Rescue Team (SRT) kiwa dang em ha kani ka thaw yow thooh sa ya kiwi.
Heiyatoh wa ini da booh da ka Suo-Moto FIR ha Khliehriat PS hapoh ki kyndon 105/118(2)/3(5) ka BNS wa Section 21/21(1) ka aiñ MDDR Act chirup wa ka Section 3 ka aiñ Explosive Substances Act wei ka takit dang lai ko chakhmat.
Da kyntu leh ya ki paidbah wa tip chaphang ini wow lai pyntip ki cha ki pulit wei daw murieh yei pyrtuid ki.
Discussion about this post