I pdung Dynamite ha krem mooyong ha Mynsngat, Thangskoo haka 5 tarik da wanrah i yei yap ki 25 ngut wa i mynsoo ki 8 ngut heiwa da wan pynlait ya kiwa sahkut næ yap da ki bru ka NDRF, SDRF, F&ES, ki pulit wa kiwi.
Hawa yaklam wa u Commandant ka 1st Bn ka NDRF, u HPS Kadari da ong u wa da tip ki yeiwa jia ynnin heiwa da em chwa chi bru yong ki kiwa da em cheini ka jylla wei da phah chwa ya ki pyn ynnin wow wan yarap cha ini i thaw heiwa ynne sa ar Team da wan ki na Guwahati.
Heiyatoh wa i chem chitom ki wow thooh ya kiwa chah ban, da ong u wa iwa eh toh wym tip kammon man ki krem wei katwon yillu ki thlu mooyong.
Da pynrap u leh deiwa ong wa ymtip hadooh katwon manbih ka la’ær tæ hap hiar wa ki Oxygen Mask chapoh iwa pyn’eh ya ki wow lai wa ki tiar wa kit ki.
Chooh chooh da ong u wa ki kynroh i krem da man kiwa da synjor iwa booh won hei maa ya ki chipai wa em chapoh wa em wa haap næ oor moo wa khyndaw.
Da khana u wa katkam wa man katni da em 3 tylli Team ki NDRF ha ini i thaw iwa mut em ki kamwa 90 ngut ki chipai.
Heijooh i por da khana u wa nachwa da jooh lai e yarap ki ha ki krem mooyong heiwa boonsien toh nei chlai-um wei kani man ko ka sein wa nyngkong wa jia dei iñ.
Discussion about this post